Разговор за филм и филозофија со режисерот Милчо Манчевски

Институтот за филозофија при Филозофскиот факултет на УКИМ денеска попладне организира средба со режисерот Милчо Манчевски, на која студентите и сите заинтересирани за филм и филозофија ќе може да разговараат со познатиот филмски автор.

Настанот е насловен  „Филозофијата и филмското дело на Милчо Манчевски“ и ќе почне во 16 часот со прикажување на последните остварувања на Манчевски – краткиот филм „Крајот на времето“ и долгометражниот филм „Бикини Мун“.

По проекцијата режисерот Манчевски ќе одговара на прашања на присутните во амфитеатарот на Филозофскиот факултет.