Рамос: Погба е добредојден на „Бернабеу“


Капитенот на Реал Мадрид, Серхио Рамос изјави дека се надева дека Пол Погба сепак ќе се приклучи на шпанскиот гигант во блиска иднина.

Французинот и неговиот агент сакаа тој да го напушти Манчестер Јунајтед во текот на летото и „белите“ беа главен кандидат за неговиот потпис, но на крајот ништо не се случи.

„Црвените ѓаволи“ ја отфрлија понудата од 30 милиони евра плус Хамес Родригез за играчот, а се вели дека Герет Бејл би можел да биде вклучен во евентуален иден договор.

– Вратата на Реал е секогаш отворена за добри играчи како него. За мене, тој е еден од најсилните играчи во светот. Тој е различен од останатите и неговите квалитети се видоа во дуелите на Јувентус и Манчестер Јунајтед. Тој носи рамнотежа во тимот, влијателен е во нападот и одлично е физички подготвен, изјави тој.