Рама се дистанцира од нападите на Украина, поддршката за мир “не е кеш машина за поврат“

Албанскиот премиер Еди Рама се огради од хистеријата во Албанија околу пораката на украинскиот лидер дека нема да го признае Косово, бидејќи е јасно дека во овој момент повеќе му треба муницијата од Србија а и таквата одлука е контрапродуктивна за нејзината актуелна внатрешна ситуација со Донбас.

„Мојoт драг пријател Володимир Зеленски стоеше во Белград и рече дека Украина не го променила својот став и нема да го признае Косово. За еден час, најгласните народни националисти во Тирана и Приштина веќе посегнаа по геополитичкиот калкулатор: можеби треба да ја казниме Украина, да престанеме да навиваме за слободните и да тагуваме за бомбардираните. Најнеодговорните меѓу нив фрлаа камења по нас затоа што не се откажуваме од Украина. Некои дури и навиваа за Русија!

Каква штета е да се изгуби од вид едноставната вистина дека слободата не функционира како кеш машина за поврат.Застанувањето против агресивна војна и за праведен мир не е сметка што ја кинете кога жртвата на варварска агресија ќе ве разочара. Не е услуга разменета за услуга, туку тоа е кој сте и што претставувате во овој хаотичен свет.

И за среќа, Албанија не е мал човек кој пресметува кој кому му должи, туку Европа на Балканот која го покажува патот преку својата вера во слободата, демократијата и мирот и преку силата на својот пример.

Украина може да греши во врска со Косово, но нејзиното право да биде слободна останува несомнено, а борбата за тоа право значи борба за Европа и за нас самите. Овие вистини можат совршено добро да живеат во истата реченица. Албанија е доволно развиена за да ги носи и двете и ќе ги носи и двете.Значи да: СЛОБОДНА УКРАИНА. Денес, утре и секогаш, напиша Рама на Твитер.