Рафаел Надал го откажа учеството на УС Опен поради корона вирусот

Минатогодишниот шампион Рафаел Надал се повлече од УС Опен, повикувајќи се на загриженост во врска со корона вирусот. Четирикратниот победник на „Флешинг Медоус“ не сака да патува во Соединетите Држави, додека случаите Ковид-19 се во пораст.

Тој му се придружи на светскиот рекет број еден кај жените, Ешли Барти, во повлекувањето на турнирот поради опасноста од корона вирусот.

„По многу размислувања решив да не го играм годинашниот УС Опен. Ситуацијата е многу комплицирана низ целиот свет, случаите на Ковид-19 се зголемуваат, се чини дека сè уште немаме контрола врз тоа“, напиша Надал на Инстаграм.

„Ова е одлука што никогаш не сакав да ја преземам, но решив да го следам моето срце овој пат и засега не патувам“.

Меѓународниот тениски календар во 2020 година се спушти на неколку настани откако Мадрид Опен стана најновата и најмалку изненадувачка жртва на пандемијата. Во заедничката изјава, АТП и ВТА велат дека навидум неизбежното откажување на првиот од двата преостанати мастерски настани на земја пред презакажаниот Француски Опен во септември е „одлука што е донесена во согласност со локалните власти заради здравствени и безбедносни проблеми ”

Италијанскиот Опен во Рим, другиот важен настан за загревање пред Ролан Гарос, сè уште е на агендата и треба да започне на 20 септември, но нема гаранции во распоредот, кој беше измешан неколку пати во текот на изминатите пет месеци. Првиот турнир од суспензијата на почетокот на март започна на Сицилија оваа недела, но турнирот за жени во Палермо е со многу послаб кавлитет.

Мадрид Опен, каде двете титули во сингл минатата година ги освоија Новак Ѓоковиќ и Кики Бертенс, го водат Фелисијано Лепез и Јон Циријак и веќе беше преместен од мај за 14 септември. И покрај тврдењата од страна на организаторите на турнирот во изминатите неколку дена, тој секогаш беше во прашање, со оглед на неодамнешните нови избувнувања на корона вирусот во северна Шпанија.

Расположението е лошо, играчите не се сигурни кога и каде да ги резервираат следните летови, а знаците не се охрабрувачки дека останува многу од сезоната.

Тениската асоцијација на САД минатата недела потврди дека УС Опен ќе продолжи на 31 август, и покрај тоа што вирусот има нови силни избувнувања во многу држави таму.

Енди Мареј, кој ја освои првата од трите големи грен слем титули на „Флешинг Медоус“ пред осум години, рече за време на викендот дека сака да се врати во Њујорк, но останува „претпазлив“. (Според агенциите)