Qeveria: Opinioni është tërësisht i informuar, zgjidhja është e mundshme

Në takimin bilateral mes kryeministrit Zoran Zaev dhe Aleksis Cipras në Forumin Ekonomik në Davos, për herë të parë pas dy dekadave u zhbllokuan proceset të cilat çojnë drejt zgjidhjes dinjitoze të çështjeve të hapura të Republikës së Greqisë dhe Republikës së Maqedonisë si dy vende fqinje evropiane. Për vullnetin e mirë të demonstruar nga të dy palët opinioni ishte tërësisht i informuar, kumtoi sot pres shërbimi i Qeverisë së Maqedonisë.

“Gjetja e zgjidhjes së pranueshme të përbashkët është e mundur dhe për këtë qëllim në rrjedhë është procesi negociues. Nevojitet vullnet i mirë dhe kompromis nga të dy palët që të gjendet zgjidhje e cila do t’i respektojë dinjitetin dhe identitetin e qytetarëve të të dy shteteve. Për çdo hap të rëndësishëm të ardhshëm gjatë negociatave opinioni do të jetë sërish i informuar”, citohet në kumtesën e Qeverisë.