Qeveria e Zaevit mbetet pa shumicë parlamentare

Kryeministri Zoran Zaev sot deklaroi se sapo të ketë zgjidhje për anëtarët e rinj të qeverisë opinioni do të njoftohet, duke mos dhënë informacione nëse mbrëmë kishte takim mes partnerëve të koalicionit. Zaev aludoi se për momentin nuk ka shumicë të nevojshme, për shkak se KSHZ nuk mund të verifikojë mandatin e disa deputetëve të rinj që duhet të vijnë në Kuvend, transmeton Gazeta Lajm.

“E dini se ka vende të zbrazëta të deputetëve që duhet të plotësohen nga KSHZ-ja. KSHZ është në dorëheqje, por duhet të vazhdojë me punë derisa Kuvendi nuk i konstaton dorëheqjet. Gjitha këto punë duhet të kompletohen që të mundemi formalisht t’i zbatojmë procedurat, përfshirë edhe kompletimin e Qeverisë”, ka thënë Zaev, transmeton Medial.mk.