Путин потпиша указ за регрутирање на 150.000 војници

Сите мажи на возраст меѓу 18 и 30 години во Русија се обврзани да завршат едногодишна воена служба или еквивалентна обука за време на високото образование.

Во јули, Долниот дом на рускиот парламент гласаше за зголемување на максималната возраст на која мажите можат да бидат мобилизирани од 27 на 30 години. Новиот закон стапи на сила на 1 јануари 2024 година.

Задолжителниот воен рок долго време е чувствително прашање во Русија, каде што многу мажи се трудат да избегнат да им биде врачен повик за регрутација во времето кога се повикувани, што е двапати годишно во таа земја.

Воените регрути не можат легално да бидат распоредени да се борат надвор од Русија и беа ослободени од ограничената мобилизација во 2022 година.

Тогаш 300.000 мажи со претходна воена обука беа мобилизирани да се борат во Украина – иако некои регрути по грешка беа испратени на фронтот.

Во септември, Путин потпиша наредба да се повикаат 130.000 луѓе за есенското регрутирање, а минатата пролет Русија планираше да регрутира 147.000 луѓе.