Путин на погребот на ултранационалистот Жириновски

Владимир Путин ја однесе својата „нуклеарна чанта“ на погребот на екстремно десничарски политичар во московската катедрала денеска, што ги зголеми стравувањата од потенцијален напад, пренесуваат западните медиуми.

Рускиот лидер беше придружуван од човек во костум кој ја носеше актовката која може да изврши напад од далечина, за време на церемонијата со отворен ковчег за ултранационалистот Владимир Жириновски.

Ожалостените, исто така, беа тргнати настрана кога претседателот му оддаде почит на Жириновски во катедралата „Христос Спасител“.

„За Владимир Путин, салата во која луѓето се збогуваа со Жириновски беше целосно испразнета од луѓе – дури и од роднините на столови“, објави Телеграмскиот канал VCHK-OGPU.

Путин држеше еден куп црвени рози и ги стави во подножјето на ковчегот пред да се прекрсти. Церемонијата се одвиваше токму во времето кога железничката станица во украинскиот град беше погодена со руски ракети при што загинаа најмалку 39 луѓе.

Жириновски (75) почина од ковид, иако тврдеше дека примил осум дози на вакцина. Тој почина само неколку недели откако го објави датумот на инвазијата. Тој беше примен во болница „сериозно болен“ од вирусот на 2 февруари, шест недели откако речиси точно го предвиде датумот кога Путин на крајот ќе ја нападне Украина.