Путин на концертот на Црвениот плоштад: „Победата ќе биде наша“

Рускиот претседател Владимир Путин изјави дека Русија ќе биде победничка за време на славеничкиот концерт на Црвениот плоштад во Москва во петок, откако прогласи анексија на четири региони на Украина.

„Станавме посилни затоа што сме заедно. Кај нас е вистината, и навистина, моќта! А тоа значи победа! Победата ќе биде наша!“ изјави Путин.

Путин одржа говор по наводното анексирање на регионите Керсон, Запорожје, Луганск и Доњецк во источна Украина.

„Со децении се обидуваа да ја искоренат историската свест на овие луѓе, да ги уништат нивните традиции, да им забранат да зборуваат на својот мајчин јазик, да ја забранат нивната култура. Ништо не функционираше“, рече тој.

„И затоа велиме дека Русија не само што ги отвора вратите на нашиот роден дом за нашите браќа и сестри, туку и го отвора своето срце за нив. Добредојдовте дома!” – им рече Путин на егзалтираните насобрано луѓе.

По говорот, на сцената на Путин му се придружија лидерите на четирите региони назначени од Русија: Денис Пушилин, Леонид Пасечник, Евгениј Балицки и Владимир Салдо. Заедно, тие ја пееја руската национална химна на која им се придружи хор од уметници од Русија и од анектираните региони кои настапија на концертот додека публиката вееше руски знамиња.