(Галерија) Првомајски протест: Не може да бидеме робови седум дена во неделата
Зголемувањето на платите да се случи ден побрзо зашто економската криза нe изеде, инфлацијата е се поголема и тие пари ни се се понеопходни.
Не може, работодавачи и газди, да ви бидеме робови седум дена во неделата. Ќе блокираме се и многу лесно овој протест ќе прерасне во штрајк, а тоа значи прекин на работата за време на работното време. Ако ние трпиме штета и вие ќе трпите штета, порача претседателот на Сојузот на синдикатите на Македонија (ССМ), Дарко Димовски од денешниот првомајски протест, упатувајќи ги уште еднаш барањата – линеарно зголемување од 2.806 денари на сите плати во државата и повлекување на претставката за недела неработен ден од Уставниот суд.
Како што истакна Димовски, овие барања треба да се исполнат што поскоро.
-Зголемувањето на платите да се случи ден побрзо зашто економската криза не изеде, инфлацијата е се поголема и тие пари ни се се понеопходни. Да ве предупредиме, да ја повлечете претставката за недела неработен ден зашто тоа е реланост во земјава – работникот го користи тој бенефит – одмора, напомена претседателот на ССМ во кусото обраќање пред Стопанската комора.
Трпението нема крај, повеќе нема да чекаме – нашите барања да бидат разгледани и исполнети веднаш, порача Сојузот на синдикатите на Македонија (ССМ) од протестот пред Владата.
Пред Владата, покрај синдикалците, се и вицепремиерот Фатмир Битиќи, како и министерката за труд и социјална политика Јованка Тренчевска чие присуство јавно, пред сите присутни, го поздрави претседателот на ССМ Дарко Димовски.
-Унапредувњата на правата на работниците не се случува еднаш засекогаш. Треба да се зборува и за еднаквиот третман на мажите и жените на пазарорт на трудот, за безбедноста при рабпота како и за сите други права кои се забопрваат посебно за време на кризи/
Никој не треба да заборави дека работникот е на право место, човечкиот капитал е пред се, рече Битиќи, а министерката Тренчевска порача дека и синдикатот и Владата се заедно во борбата за унапредување и почитување на работничките права.
Протестот почна пред зградата на ССМ, а ќе заврши пред Владата од каде, како што соопшти Димовски, ќе бидат испратени уште вакви јасни и гласни пораки.
„Без пари нема работа“, „Зголемување на плата 2 806 денари веднаш за сите“, „Без лихвари, газди и банкари можеме, без работници не можеме“, „Договори за вработување на неопределено време“, „Стоп за мобинг“, се само некои од пораките што може да се забележат на протестот.
Фото: Б. Грданоски