Прва победа за ракометарите, но ќе играме против Русија, Белорусија и Словенија
Сениорите со победата против Чиле (32:29) се пласираа во главната групна фаза на Светското првенство во Египет.
Во првиот дел се чувствуваше притисокот врз нашите репрезентативци и фактот дека мораат да го совладаат својот денешен противник. Чиле скоро постојано имаше предност од еден до два гола и го доби првото полувреме со минимални 16:17.
Се се промени во второто полувреме. Македонија конечно заигра добро во одбраната, предводена од денеска феноменалниот Митревски, а релативно лесно оствари и доминација во нападот. Како резултат на ова Македонија го презеде водството и веќе нашата репрезентација беше таа која ги диктираше и играта и резултатот. До израз дојде квалитетот, но и подолгата клупа на нашата репрезентација, а кога нашата предност се искачи на +4, веќе беше јасно дека бодовите се наши и дека Македонија ќе ја оствари посакуваната цел – пласман во главната фаза.
Термините за натпреварите во главната група 4 се 20, 22 и 24 јануари. По две најдобропласирани репрезентации од четирите главни групи ќе продолжат во четвртфиналето на Мундијалот.
Според најавите, ќе играме во првиот меч со второпласираната, потоа вториот дуел со првопласираната, и на крајот со третопласираната селекција од групата „Х“.
Пред завршувањето на последниот дуел Белорусија – Словенија вечерва од 18.00 часот, еве каква е ситуацијата на табелата во таа група: Русија 5 бодови, Белорусија 3, Словенија 2, Јужно Кореја 0. Корејците ги загубија шансите после денешниот пораз од Русите со 30:26.