Проширувањето кон Западен Балкан да остане приоритет на следната ЕК

Следниот состав на Европската комисија би требало политиката на проширување кон Западен Балкан да ја задржи како еден од своите приоритети, е главната порака од Форумот на цивилно општество на Западен Балкан одржан во Тирана.

Во завршната декларација од дводневниот Форум се повикува и на понатамошна економска интеграција на регионот со укинување на сите неправедни бариери на извозот на стоки и услуги, стои во соопштението на Европскиот економски и социјален одбор.

– Проширувањето, а посебно ширењето на ЕУ демократските вредности и законски стандарди кон регионот на Западен Балкан е во интерес и на нашите партнери во регионот и ЕУ, изјави претседателот на Европскиот економски и социјален одбор Лука Хавиер.

Повеќе од 180 претставници на цивилни организации од Западен Балкан и ЕУ учествуваа на седмиот по ред Форум на цивилно општество во организација на Европскиот економски и социјален одбор со поддршка на Европската комисија и Регионалниот совет за соработка.