Профитот на „Рајанер“ значително се зголеми: „Веројатно нема да ги покачат цените на билетите“

Нискобуџетната авиокомпанија Ryanair забележа годишен скок на профитот за повеќе од една третина и објави дека поскапувањето на цените се забавува. Ирскиот авиопревозник објави 34 отсто пораст на добивката по оданочување на 1,92 милијарди евра за деловната година до крајот на март, откако бројот на патници се зголеми за девет отсто на 183,7 милиони и покрај суспензијата на испораките на авиони Боинг.

Надополнет скокот на трошоците за гориво
Рајанер соопшти дека скокот на приходите од 25 отсто, на 13,44 милијарди евра, помогнал да се надомести скокот на трошоците за гориво. „Остануваме претпазливо оптимисти дека врвните летни билети во 2024 година ќе бидат стабилни или скромно повисоки од минатото лето“, рече извршниот директор на Ryanair, Мајкл О’Лири.

Тој предвидува раст на бројот на патници од 8 отсто следната година, на 200 милиони, но додава дека е рано да се даваат прогнози за профитот. Ryanair соопшти дека очекува да додаде 23 нови авиони Boeing 737 Gamechanger во својата флота до крајот на јули, но тоа е неизвесно поради доцнењето на испораките.