Продажбата на автомобили во Германија падна на нивоата 1989 година

Продажбата на нови автомобили во Германија падна на ниво од 1989 година. По уште еден голем пад на продажбата на автомобили, Германија е на пат да се врати на нивото од пред триесет години. Според германското здружение на увозници и продавачи (ВДИК), на најголемиот европски пазар на автомобили во јуни се евидентирани 220.000 новорегистрирани возила.

Врз основа на податоците за продажба во првата половина од годинава, ВДИК проценува дека Германија ја очекува пад од 20 отсто на продажбата на нови автомобили до крајот на 2020 година, односно вкупната продажба се очекува да достигне 2,8 милиони возила оваа година.

Што е уште полошо, оваа проценка се смета за оптимистичка. Имено, во првите шест месеци падот беше 35 отсто, така што продажбата во втората половина на 2020 година треба да биде значително подобра, да се компензира екстремно слабиот резултат во јануари-јуни и на крајот на годината да се дојде до проектираниот минус од 20 отсто.

Од друга страна, се смета дека е позитивно дека е зголемена побарувачката за автомобили на електричен погон.

Во првата половина на 2020 година беа продадени околу 90.000 од овие возила, па се очекува годинава да заврши со раст од 90 отсто во однос на 2019 година, кога станува збор за сегментот на електрични автомобили и хибридни модели.