Продаден е хотелот „Југославија“: Еве кој е новиот сопственик, единствениот на лицитацијата

Штотуку заврши јавното наддавање за хотел „Југославија“, а компанијата „Дунав Риверсајд“ во чија сопственост е хотелот и е во стечај, е купена од МВ Инвестментс.

Оваа компанија беше единствената што се стекна со право на учество на аукцијата и го купи Хотел Југославија за 3,17 милијарди динари (т.е. по почетна цена), пишува „Блиц“.

На денешната аукција предмет на продажба беа хотелот „Југославија“, т.е. деловен простор во подрум, приземје, мезанин и осум ката, потоа градежно земјиште со вкупна површина од 45.613 метри квадратни (13.981 квадратни метри под згради, 31.632 метри квадратни со згради). Сопственоста на земјиштето е споделена со МВ Инвестмент доо Београд, при што АЛСУ коментира дека не е извршено законско разграничување во однос на утврдување на сосопственички удели. 

Исто така се продаде и друг имот на стечајниот должник т.е. лустер и скулптура на биста (дело на Александар Зарин). Лустерот и скулптурата имаат, како што се наведува во огласот, историска и уметничка вредност. Бистата е културно добро, а познатиот лустер исто така е прогласен за имот кој ужива претходна заштита.

Во септември минатата година, белградскиот секретаријат за урбанистичко планирање и градежни работи на местото на хотелот „Југославија“ објави план за изградба на комплекс со зграда висока 155 метри. Вкупната површина на комплексот е 240.000 квадратни метри.