Пробни прелети за потребите на НАТО мисијата „Air Policing“

21/05/2019 07:43
Со два прелета во воздушниот простор на Република Северна Македонија изутринава од 7:30 до 9:30 часот ќе се изврши првиот пробен прелет за потребите на НАТО мисијата „Air Policing“ (чување на воздушниот простор). Прелетот ќе го извршат воздухоплови на вооружените сили на Република Грција.

Целта на прелетот е проверка на комуникациите и радарската покриеност на нашиот воздухопловен простор.

Прелетите се во функција на подготовката и исполнувањето на условите од страна на Република Северна Македонија во делот на воздухопловството како идна рамноправна членка во системот на колективна безбедност, соопшти Министерството за одбрана.

Мисијата „Air Policing“ е мирновремена задача на НАТО, која вклучува користење на системот за следење на воздушниот простор и управување со системот за команда и контрола на воздухопловните сили со соодветни сили и средства за противвоздушна одбрана, со цел заштита на воздушниот простор на земјите членки на НАТО.

Поврзани содржини

Снег и дожд на Попова Шапка, магла на патните правци Страцин – Кратово и Велес – Катланово
Без вода викенд населбата Морани
Здравствен дом „Железничар“ се приклучува во кампањата за поголема свест за машкото здравје
Под слоганот „Време е за чај“ започнува четиридневниот Фестивал на чај
Панел дебата „Регионална соработка и европска интеграција – Агендата на ЕУ за Западен Балкан“.
Облачно со повремен дожд, а на планините снег
Заврши претставувањето на кандидатите за членови во Советот на Агенцијата за аудио и аудиовизуелни медиумски услуги
Магла на патниот правец Градско – Плетвар

Најчитани