Приведено лице кое со возило прегази група пешаци во Берлин

Германската полиција приведе лице за кое се смета дека денеска со возило извршило напад врз група луѓе во Берлин.

„Се верува дека приведениот маж влетал во група луѓе. Не е познато дали се работи за несреќен случај или осомничениот со намера го извршил тоа дело“, соопшти полицијата додавајќи дека осомничениот е приведен на местото на иницидентот.

Во инцидентот што се случил во западниот дел на Берлин загинало едно, а се повредени триесеттина лица.

Во денешниот инцидентет во Берлин едно лице загина, а петмина се во критична состојба

Пет лица се во состојба опасна по живот, откако денеска во Берлин автомобил удри во група луѓе во центарот на градот, јави ДПА.

Уште три лица се тешко повредени, а едно лице почина, изјави портпаролот на противпожарната бригада.

Покрај тоа, има повеќе полесно повредени, но од противпожарната бригада не соопштуваат за колку лица се работи.

Специјалистите за несреќи при сообраќајната полиција како и одделението за криминалистичка истрага сега истражуваат дали се работи за несреќен случај или намерно дело, соопшти полицијата.

Дополнително, мора да се разјасни идентитетот на возачот на автомобилот. Полицијата привремено го задржала мажот.

Според полицијата, автомобилот влетал во група луѓе близу главниот трговски центар во градот, а потоа запрел откако пробил излог на продавница, околу 200 метри понатаму.

Сличен напад беше извршен на 19 декември 2016 година. Тунижанецот Анис Амри, бегалец поврзан со исламистички терористичките групи, прво уби возач на камион за потоа со одземеното товарно возило изврши напад на божиќен саем, удирајќи во насобраните луѓе притоа убивајќи уште 11 лица, ранувајќи десетици други.