Приведен гевгеличанец кој се обидел нелегално да внесе поголема количина цигари без документација

Полицијата денеска на граничниот премин Богородица приведе едно лице од Гевгелија кај кого пронашле и одзеле 272 штеки различни видови цигари без документација со вкупна вредност од околу 300 илјади денари.

-На Граничен премин Богородица, при контрола на патничко возило „опел вектра“ со велешки регистарски ознаки, управувано од Н. М. од Гевгелија, полициски службеници од Полициската станица за граничен премин и граничен надзор Богородица пронашле и одзеле 272 штеки различни видови цигари без документација со вкупна вредност од околу 300 илјади денари, соопшти МВР.

За настанот бил известен Јавен обвинител и по целосно документирање на случајот против Н. М. ќе биде поднесена соодветна пријава.