Принцезата Шарлин од Монако е позитивна на Ковид

Монако– Принцезата од Монако Шарлин е позитивна на тестот за Ковид-19.

Во изјавата за PEOPLE , палатата на Монако потврдува дека принцезата (44), „по некои симптоми е позитивна на коронавирусот“ преку скрининг тест. „Во согласност со важечките здравствени правила, принцезата Шарлин ќе следи период на изолација од неколку дена.

„Состојбата на нејзиното здравје не предизвикува загриженост“, смируваат од палатата.

Принцезата последен пат беше видена во јавноста пред една недела на трката за Големата награда на Монако. Поради изолацијата, принцезата не присуствуваше на велосипедскиот предизвик спонзориран од нејзината добротворна фондација, в недела.

Нејзиниот сопруг принцот Алберт двапати беше позитивен на коронавирус. Тој беше меѓу првите светски личности што објавија дека се заразиле со вирусот во март 2020 година.

Во април оваа година тој по втор пат беше позитивен и накратко остана во изолација.

Здравјето на Шарлин беше предмет на голема загриженост во последната година. Таа првпат се разболе додека беше во Јужна Африка во мај 2021 година за планираната кратка 10-дневна посета на нејзината матична земја.

Сепак, компликациите од претходната процедура за ОРЛ ја приземјија шест месеци, додека серија болни корективни операции, релапс и последователен третман го одложија нејзиното конечно враќање до март.

Откако се врати во Монако, таа објасни дека нејзиното здравје останува „кревко“, но во последниот месец се појави на голем број јавни функции.