Принцезата од Велс салутираше како нов почесен полковник на Ирската гарда

Англија– Принцезата од Велс салутираше како нов почесен полковник на Ирската гарда на нивната парада на Денот на Свети Патрик.

Таа го започна одбележувањето на празнијкот со посета на касарната Монс во Алдершот заедно со принцот од Велс, каде што имаше неформално предавање како нов почесен полковник.

Кејт им подари традиционални гранчиња од детелина на офицерите и гардистите, како и на маскотата на полкот, двегодишниот ирски волк Тарлоу Мор, познат и како Сеамус.

Во својот последен говор пред гардистите, принцот Вилијам рече дека е „неверојатно тажен“ што неговото време како нивен полковник завршило, но рече дека неговата сопруга ќе биде „посветена“ и „неверојатно лојална“ замена.

„Беше една од големите почести во мојот живот да ја носам таа титула; горд сум на сè што претставува – исто како што сум неизмерно горд на секој еден од вас“, рече тој.

Принцот се присети на неговите посети на гардистите, велејќи: „Од вежби и денови на терен овде во ОК, до тренинзи во странство – како Кенија во 2018 година – имам толку живописни спомени од сведочењето на она што го правите толку брилијантно на теренот“.

Тој ја опиша нивната работа во Африка како „инспиративна“ и им се заблагодари на сите семејства кои се придружија да ја следат парадата на Денот на Свети Патрик во Алдершот.

„Се надевам дека знаете колку навистина сум благодарен на сите вас“, рече тој.