Презентација на опремата од воената вежба „Одлучен удар 19“

11/06/2019 07:42
Возила, вооружување и опрема која се употребува на заедничката воена вежба „Одлучен удар 19“, на која учествуваат околу 2.700 војници од нашата армија и армиите на САД, Литванија, Албанија, Бугарија и Црна Гора, денеска ќе бидат презентирани пред граѓаните на Свети Николе.

Присутните на градскиот стадион во Свети Николе од 18:00 до 21:00 часот ќе имаат можност преку директна комуникација поблиску да се запознаат со опремата, постапките и процедурите кои ги извршуваат припадниците на армиите учеснички на оваа досега најголема воена вежба кај нас.

Воедно ќе можат да го проследат фудбалски натпревар помеѓу локалната самоуправа и екипа од припадниците на армиите кои учествуваат на вежбата, а за време на настанот над стадионот ќе има прелет од армиски хеликоптери МИ-18 и УХ-60.

Вежбата која повеќе од еден месец ќе се изведува на армискиот полигон „Криволак“ има за цел зајакнување на стандардните оперативни процедури на единиците од составот на армијата, подобрување на интероперабилноста и унапредување на заемното разбирање и доверба и зајакнување на меѓусебната соработка.

Фото: Б. Грданоски

Поврзани содржини

Стефковски бара безбеден превоз од градоначалничката на Скопје „во заминување“
Со специјални адитиви патот Кичево-Охрид ќе се гради и во зима
Во Македонија има епидемија на дијабетис
Протест во Кисела Вода, градилиштата им ја загрозуваат безбедноста
Газдарицата на фирмата што требаше да ја гради катната гаража кај Собранието владата ја постави во АЕК, тврди СДСМ
Сиљановска формираше Совет за млади
Семинар, предавање, промоции и дегустации на 9. Недела на италијанската кујна во светот
Магла на Стража, Ѓавато, Маврово и Плетвар

Најчитани