Пренасочен сообраќајот на патот Прилеп-Градско поради сообраќајка

Фото: Б. Грданоски

Поради сообраќајна незгода на регионалниот патен правец Прилеп-Градско, кај м.в. Камен Дол, сообраќајот се пренасочува по алтернативни патишта, информира Автомото сојузот.

Интензитетот на сообраќај на патните правци надвор од градските средини, како што се наведува, е зголемен и има зголемена фреквенција на возила на граничните премини Богородица и Табановце, каде времето на чекање за излез од државата е од 15 до 30 минути. На останатите гранични премини, од македонска страна, нема подолги задржувања за влез и излез од државата.

Од АМСМ препорачуваат прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.