Познат готвач го убил љубовникот: Го распарчил телото и ја фрлил главата во морето

Млад готвач од Шпанија го убил и распарчил својот љубовник за време на одмор во Тајланд.

Данијел Санчо Брончало (29) е обвинет дека минатата среда до смрт го претепал пластичниот хирург Едвин Ариета Артеага (44) од Колумбија, а потоа му го распарчил телото. Делови од телото, вклучувајќи ги колковите и бутовите, ги пронашле шокираните мештани на ѓубриште еден ден подоцна.

Санчо, кој е познат Јутјубер, им признал на властите дека го убил својот љубовник по расправија за секс и пари, соопшти локалната полиција. Готвачот го исекол телото на 14 парчиња пред да ги фрли во морето и другите места околу островот Ко Панган пред да поднесе пријава за исчезнато лице.

Полицијата соопшти дека парот – кој наводно бил во врска една година – дошол во Тајланд за да присуствува на забава минатата недела.

Шпанецот во неделата бил снимен во друштво на полицијата додека се шетал по островот каде наводно ја насочил полицијата на местото на плажата каде возел кајак за да фрли делови од телото. Полициските нуркачи подоцна ги пронашле главата и рацете на жртвата. Санчо беше задржан во притвор и ставен под стража за да не се самоубие пред да се појави на суд.

Сурапонг Таномџит од локалната полиција рече дека готвачот ќе биде обвинет за убиство со умисла и тајно движење и уништување на телото за да се прикрие смртта или причината за смртта.

„Осомничениот признал дека го убил Едвин Ариета Артеага, а потоа го распарчил телото. Ги ставил деловите во куфер и ги оставил во морето. Тврдел дека жртвата била лута кога одбил да спие со него. Потоа го удрил во главата. Жртвата паднала и удрила во кадата. Потоа го исекол телото за да ја прикрие смртта. Инспекторите пронашле траги од телото на жртвата во хотелската соба што осомничениот ја резервирал“, изјави за AFP началникот на локалната полиција Пања Ниратиманон.

Санчо потекнува од познато шпанско актерско семејство. Негови родители се познатите актери Родолфо Санчо и Силвија Брончало, додека неговиот дедо Санчо Гарсија исто така бил позната филмска и телевизиска ѕвезда.

Санчо имаше емисија за готвење на Јутјуб.

Ко Панган е познат по своите бели песочни плажи и привлекува илјадници туристи за своите озлогласени диви забави.