Пожарот во поранешниот „Технометал- Вардар“ изгаснат, причините се утврдуваат
Изгаснат е пожарот што вечерва изби во поранешната зграда на „Технометал“ што се наоѓа во центарот на Скопје, на улица Македонија.
Пожарот го гаснеа едно возило и пет пожарникари, а зафатени биле две простории.
Според информациите, зградата била напуштена, а дополнително ќе се утврдуваат причините за избувнувањето на огнот.
Зградата на „Технометал-Вардар“ ја купи фирмата „Буши фешн“, која планира да направи хотел. Просторот околу зградата е затрупан во ѓубре и градежен шут.