Пожарникарите сѐ уште се справуваат со пожарот над Прилеп, засега Трескавец не е во опасност

27/07/2026 13:37

Голем пожар избувнал вчера попладне во местото викано Заград кај Прилеп, при што биле зафатени сува трева, викенд-куќа и околу 25 декари земјиште засадено со лешници.

Како што информираат од Министерството за внатрешни работи, случајот бил пријавен на 26 јули во 16:16 часот во ОВР Прилеп.

На местото интервенирала екипа на Територијалната противпожарна единица Прилеп, која успеала да го локализира пожарот. Во тек се активности за негово целосно гаснење.

Засега не се соопштени информации за причините за избувнувањето на пожарот, ниту дали има повредени лица.

Повеќе од 20 часа прилепските пожарникари и надлежните се справуваат со пожарот над Прилеп, зад Варош и месноста Заград. Ноќеска до полноќ, а потоа и од три часот изутрината досега е битката со овој пожар. Не е во опасност ниту манастирот Трескавец, а досега нема пријавено штети на објекти и викендички. На терен сега се осуммина професионалци кои спречуваат да се шират жариштата. Нема материјална штета зашто теренот е карпест со ниска, сува вегетација. На овој локалитет секоја година има пожари.

Општина Прилеп ја информира јавноста дека пожарот кој денеска (26.07) беше регистриран во месноста Заград-Варош е локализиран, благодарение на брзата, навремена и професионална интервенција на Територијалната противпожарна единица (ТППЕ) Прилеп.
 
Со навремено дејствување е изграден заштитен појас, со што во моментов нема опасност пожарот да се приближи кон манастирот „Трескавец“.
 
На терен и понатаму остануваат дежурни екипи на ТППЕ Прилеп, како и членови на Универзалната единица за заштита и спасување од јавните претпријатија, сертифицирани за справување со пожари. Сите активности се одвиваат во координација со Дирекцијата за заштита и спасување (ДЗС), Центарот за управување со кризи (ЦУК) и Општинскиот штаб за заштита и спасување.
 
Апелираме до жителите и до сите сопственици на имоти, објекти и викенд-куќи во овој дел на општина Прилеп да бидат особено претпазливи, редовно да ја следат состојбата на своите имоти и да постапуваат согласно препораките на надлежните институции, особено доколку дојде до повторно активирање или проширување на пожарот, велат од таму.
 

Поврзани содржини

И двајца стоматолози „паднаа“ во случајот „ботокс“ – примале мито за полагање испит
Пет нови случаи на западнонилска треска потврдени овој месец, вкупно осум годинава
Крводарителска акција на Црвениот крст на град Скопје во чест на солидарноста по скопскиот земјотрес
Гостивар доби техничка вода – за пиење и натаму ќе се доставува флаширана
Нема дозвола за решетките на Македониумот. Инспектори ќе одат во Крушево
За речиси 6 отсто поскапо парно за скопјани од 1 август
Во Скопје ќе се прска против комарци на 30 и на 31 јули
СДСМ бара Владата да објави според каква анализа водата во Гостивар е технички безбедна

Најчитани