Пожар на кровот на катната гаража „26 јули “, гори ресторанот „Рагуза 360“

Пожар го зафати кровот на катната гаража „26 јули“, во непосредна близина на надвозникот во центарот на Скопје, при што гори делот каде што се наоѓа познатиот ресторан „Рагуза 360“. 

Не е познато дали и колку е оштетен ресторанот и дали пожарот се заканува да ги зафати и другите катови каде што има паркирани возила.

На приземјето на гаражата е сместен и супермаркет „Тинекс“.

Сообраќајот во тој дел од градот се одвива отежнато, а во тек е интервенција на противпожарните екипи кои излегоа на терен за локализирање на пожарот.