Повредени две патнички откако возач на автобус од ЈСП нагло закочил

Возач на автобус од ЈСП нагло закочил и удрил во електронска рамка, при што повредени се две патнички во автобусот.

Од Министерството за внатрешни работи, информираат за деталите околу случајот.

-На 04.10.2022 во 13 часот во СВР Скопје било пријавено дека на ул.„Никола Карев“ во Скопје, И.М.(42) од с.Чифлик, скопско, управувајќи автобус на ЈСП нагло закочил и удрил во електронска рампа. Во несреќата со тешки телесни повреди се здобила патничката С.Б.(43), а со телесни повреди се здобила патничката М.А.(32), двете од с.Долно Соње, скопско, констатирани во Градската општа болница „Св.Наум Охридски“ – се вели во соопштението на МВР.

Извршен бил увид од увидна екипа од СВР Скопје.