Повредена жена во судир на автобус и автомобил во Кисела Вода

Жена која се превезувала со автобус е тешко повредена откако автобусот се судрил со возило на улица во Кисела Вода. Несреќата се случила вчеравечер. 

– На 02.09.2026 во 19:10 часот во СВР Скопје е пријавено дека на ул.„Благоја Стефковски“ во Скопје се случила сообраќајна несреќа помеѓу патничко возило „шевролет“ со скопски регистарски ознаки, управувано од С.А.(60) од село Пакошево, општина Зелениково и автобус „мерцедес“ со скопски регистарски ознаки, управуван од С.Б.(38) од Скопје. Во несреќата со тешки телесни повреди се здобила 63-годишната С.П., која се превезувала во автобусот, констатирани во Јавна здравствена установа „Св.Наум Охридски“- Скопје, информираа од МВР во денешниот билтен. 

Извршен е увид од увидна екипа на СВР Скопје. 

Сличен инцидент се случил и во центарот на Скопје, вчера, 16:20 часот кога во СВР Скопје е пријавено дека во автобус на ЈСП на бул.„Крсте Мисирков“ во Скопје, при кочење од страна на возачот, паднала 67-годишната Г.С. од Делчево и се здобила со тешки телесни повреди, констатирани во Јавна здравствена установа „Свети Наум Охридски“-Скопје.

Извршен е увид и се преземаат мерки за расчистување на случајот.