Превртен камион на автопатот Велес – Скопје, сообраќајот пренасочен преку Свети Николе

Центарот за управување со кризи информира дека има повеќе заглавени возила помеѓу двете патарини на угорнините на автопатот Велес – Скопје, а надлежните вршат расчистување.

Регионалниот ЦУК Велес, известува дека преку единствениот број за итни случаи Е-112 е добиена информација за повеќе заглавени возила помеѓу двете патарини на угорнините на дел од дестинацијата од автопатот Велес – Скопје, соопштија од ЦУК.

За настанатата состојба се известени во јавните претпријатија за одржување и заштита на магистралните и регионалните патишта коишто веќе имаат возила на терен што вршат расчистување на наведениот патниот правец.

Превртен камион кај Катланово

Од МВР известуваат дека на патниот правец Велес- Скопје, во атар на с.Катланово има превртено камион па поради тоа има голема колона на возила кои се движат на овој патен правец. Сообраќајот ќе се пренасочува Велес-Свети Николе-Скопје.

ЦУК информира дека од ЈП за одржување и заштита на магистралните и регионалните патишта известуваат дека се замолуваат сите учесници во сообраќајот кои не користат зимски гуми (иако тоа им е законска обврска од 15.11.2023 година)да го ослободат патот по кој се движат како не би преставувале пречка за останатите учесници во сообраќајот. Со самата постапка, на екипите на „Македонијапат“ ќе им овозможат полесна и посигурна интервенција на патиштата со цел за нормално одвивање на сообраќајот.

Ова посебно се однесува за планинските премини и за правците за кој имаме издадено известување за забрани за сообраќај за тешки товарни возила.