Повеќе од 300 НВО бараат ОН да почне истрага за кршењето на човековите права во Кина

Повеќе од 300 невладини организации побараа од ООН да воспостави меѓународен механизам задолжен за истражување на кршењето на човековите права во Кина и ги повикаа највисоките органи на Светската организација да „дејствуваат решително“.

Организации од повеќе од 60 земји испратија писмо до генералниот секретар на ОН Антонио Гутереш, високиот комесар за човекови права Мишел Бачеле и на земјите членки на ООН.

Тие се повикуваат на иницијативата на 50 експерти на ООН кои кон крајот на јуни повикаа на „решителни мерки за заштита на основните слободи во Кина“ и ги осудија „масовните повреди на човековите права извршени од Кина во Хонг Конг, Тибет и Синџанг, рестрикцијата на информациите за пандемијата на Ковид-19, како и напади врз активисти за човекови права, новинари, адвокати и критичари на владата низ целата земја “.

Овие невладини организации, исто така, ја обвинуваат Кина за таргетирање на активисти за човекови права во странство, задушување на интелектуалната слобода надвор од Кина и цензурирање на Интернет.

Писмото го осудува обидот на Кина да привлече „иницијативи кои сакаат да истражат сериозни повреди на човековите права и меѓународни злосторства извршени во земји низ целиот свет“, обвинувајќи го Пекинг за „погрешно претставување на мандатот на Советот за човекови права на ООН“.

„Државата која настојува да биде над критичката контрола претставува фундаментална закана за човековите права. Фактот дека Кина, која има голема глобална моќ, очекува да биде третирана на начин што ќе влијае на сите нас”, се вели во писмото.

Затоа, тие организации бараат од телата на ОН бројни конкретни мерки, специјална седница на Советот за човекови права, назначување специјален пратеник и тие бараат од Бачеле да го искористи нејзиниот независен мандат за следење на кршењето на човековите права во Кина и објавување извештаи за тоа прашање.