Потврдени пет случаи на африканска свинска чума во Унгарија

Унгарската национална Агенција за безбедност на храна Небих откри пет случаи на африканска свинска грозница кај диви свињи во околината на Будимпешта.

Случаите на инфекцијата се откриени во ловечката област Будакеши, западно од Будимпешта. Се наведува дека неколку странци од земји во кои се појавила оваа животинска болест ја посетиле областа, но и дека изворот на инфекцијата може да биде и во Унгарија.

Небих ги повика сите унгарски фармери да ги преземат сите неопходни мерки за да се спречи ширење на инфекцијата.

Во моментов околу 10 европски земји се погодени со африканска свинска чума, а најголем број случаи е забележан во Бугарија и Романија.

Болеста е безопасна за луѓето.