Потрага во САД: Мистериозно исчезна Србинкa на новогодишната ноќ

САД-Триесет и деветгодишната Ана Волш (39), Србинка која исчезна во Америка на новогодишната ноќ, е внука на српскиот генерал Никола Љубичиќ, кој некогаш беше еден од најмоќните Срби и најблизок соработник на Јосип Броз Тито, пишува српски Ало.

Ана ја дочека Новата година со сопругот и децата во нивниот дом во малото гратче Кохасет во американската држава Масачусетс. Работела во компанија за недвижнини и на 1 јануари околу четири часот ја напуштила куќата бидејќи итно требало да отпатува на работа во Вашингтон. Оттогаш никој не ја чул ниту видел. Оттогаш нејзиниот мобилен телефон е исклучен, а единствената трага што ја има полицијата е дека 39-годишната девојка никогаш не се качила на споменатиот лет.

Иако Ана исчезнала на 1 јануари, нејзиниот сопруг Брајан Волш го пријавил нејзиното исчезнување три дена подоцна. Тој беше уапсен во неделата во нивниот дом поради попречување на истрагата.

– Го сомничат дека ја довел во заблуда полициската истрага за исчезнувањето на неговата сопруга. „Полицијата има причина да верува дека Брајан го извршил кривичното дело заведување на полициските инспектори“, изјави окружниот обвинител во Норфолк.

Припадниците на специјалната и единицата за итни случаи, како и специјализирана единица обучена за потрага и спасување и кучиња трагачи ги пребараа шумските предели во близина на куќата на исчезнатата Ана, но не најдоа трага.