Потпретседателот на Малави е мртов, пронајден паднатиот авион

Потпретседателот на Малави, д-р Саулос Чилима, загина заедно со уште девет лица во авионска несреќа, јавуваат светските медиуми.
Како што пренесува CBS News, во авионот што се урна била и неговата сопруга, а претседателскиот кабинет преку соопштение потврди дека сите патници загинале во авионската несреќа.
⭕ #BREAKING: The plane was found. All people on the plane died. https://t.co/9Rf2VCahJz pic.twitter.com/woLcGZ6sKK
— Journalite (@journaIite) June 11, 2024
Претседателот Лазар Чаквера прогласи ден на жалост поради смртта на Чилима и на девет други лица.
Чилима и останатите патници биле на пат да присуствуваат на погребот на поранешниот државен обвинител, кога авионот исчезнал од радарот.
BREAKING: The wreckage of the Dornier 228 military plane carrying Malawi's vice president Saulos Chilima has been discovered in the Chikangawa Forest, with no survivors found.
📸 Courtesy #NBSUpdates pic.twitter.com/ARslAIYva3
— NBS Television (@nbstv) June 11, 2024
Контролата на летање соопшти дека авионот не можел да слета на аеродромот Мзузу, на околу 320 километри од главниот град, поради слабата видливост.
Според медиумите, на пилотот му било наложено да се врати во Лилонгве, по што леталото исчезнало од радарот.
Чилима (51) се сметаше за можен кандидат за претседател на државата на изборите што ќе се одржат во 2025 година.