Потпретседателката на Аргентина избегна атентат

Човекот кој се обиде да изврши атентат на потпретседателката на Аргентина, Кристина Киршнер, е 35-годишниот Фернандо Андрес Сабаг Монтиел, бразилски државјанин, потврдија аргентинските безбедносни власти.

Како што пишуваат локални медиуми, тој е роден во Сао Паоло, неговите родители се Чилеанец и Аргентинка. Повеќе од 20 години живее во аргентинската населба Вила дел Парке. Некогаш работел како таксист, а моментално е невработен и добро и бил познат на полицијата.

Монтиел лани доби кривична пријава, кога полиција го запрела во возило без регистарски таблички. Кај него е пронајдена мачета долга 35 сантиметри.

Според фотографии објавени на социјалните мрежи, се гледа дека Монтиел на лактот има тетоважа црно сонце. Станува збор за нордиски симбол преземен од нацистите и окултното друштво Туле, основано од богати аристократи, а ја бранело надмоќта на ариевската раса. Од 1918 до 1922 година, групата извршила 300 политички злосторства, покажуваат податоци.

Монтиел се обиде да ја убие Киршнер, актуелна потпретседателка и поранешна претседателка на Аргентина, кога таа со официјална придружба пристигна пред својата куќа во Буенос Аирес. Но, пиштолот не испукал, пишуваат медиуми.

JUST IN

Footage from another angle shows the moment when a Brazilian National named Fernando Andrés Sabag Montiel pulled a gun and tried to assassinate Argentina’s left-wing Vice-President Cristina Kirchner

— The gun notoriously failed on the last moment pic.twitter.com/JgmUlNuP2Q

— AZ  (@AZmilitary1) September 2, 2022

Минатата недела активисти се собраа пред куќата на Киршнер, која е обвинета за корупција и измама во врска со доделување јавни договори во Санта Круз, за време на два претседателски мандата од 2007 до 2015 година.