Португалската полиција конфискува околу пет тони кокаин
Во заедничка операција на португалската полиција, воената морнарица и военовоздухопловните сили конфискувани се околу пет тони кокаин, при што се приведени тројца странски државјани.
Дрогата е откриена на брод, што бил задржан на околу 640 наутички милји од Лисабон.
Не е објавена националноста на тројцата приведени.
Според португалските медиуми бродот на кој е откриена дрогата претходно се закотвил во Панама.