Поради одрон затворен патот Куманово – Крива Паланка, се оди одоколу

Сообраќајот на магистралниот патен правец А2 , Куманово – Крива Паланка, се пренасочува преку алтернативен пат откако беше затворен за сообраќај поради големи одрони што ги зафатија двете коловозни ленти кај село Ругиннци, кај месноста викана Ругинска кривина.

„Екипите на Јавното претпријатие ‘Македонија пат’ се на терен, механизацијата работи интензивно, но прекинот сѐ уште трае, информира раководителот на секцијата на „Македонија пат“, Крива Паланка, Боби Димитровски.

Тој нагласи дека сите возила се пренасочуваат по алтернативен пат.

„Сообраќајот засега, со помош на службеници од Секторот за внатрешни работи и вработените во ЈП ‘Македонија пат’ се насочува кон стариот пат Куманово-Крива Паланка, кај Грушино“, рече Димитровски.