Помош за семејството во Скопје чија куќа изгоре на првиот ден од јануари

Комуналните служби на Општина Карпош целосно ја исчистија опожарената куќа во населбата Карпош 2, на улицата „Руѓер Бошковиќ“. Службите ги подигнаа изгорените делови и мебел од домаќинството, кои настрадаа на првиот ден од 2021 година.

Исто така, прeку Одделението за детска, социјална и здравствена заштита, Општина Карпош стапи во контакт со претставници од засегнатото семејство и притоа ги информираше за потребните документи кои треба да ги приложат, за да добијат финансиска поддршка.

„Во рамки на можностите и врз основа на доставената документација, локалната самоуправа ќе обезбеди финансиски средства за надоместување на штетата.Општина Карпош продолжува да помага на граѓаните и семејства кои се погодени од природни или друг тип на непогоди“, се вели во соопштението.