Помош, плачат Ед Ширан, Пол Макартни и „Ролинг Стоунс“ за кризата во музичката индустрија

Англија – Околу 1.500 музичари, вклучувајќи ги и Ед Ширан, Пол Макартни и „Ролинг Стоунс“ ја повикаа британската влада да ја спаси музичката индустрија во живо од колапс заради коронавирусот.

Колдплеј, Ерик Клептон, Сем Смит, Род Стјуарт, Лиам Галагер, Ајрон Мејдан, Дуа Липа,Стинг… исто така беа потписници на отвореното писмо кое предупредува дека постојаниот карантин им се заканува на илјадници работни места.

Тие наведоа нови истражувања кои покажуваат дека музиката во живо ѝ донесе 4,5 милијарди фунти (5,6 милијарди американски долари) на британската економија и поддржале 210.000 работни места низ целата земја минатата година.

„Музика во живо во Велика Британија е една од најголемите социјални, културни и економски успеси во Велика Британија во изминатата деценија“, напишаа тие во писмото до министерот за култура Оливер Дауден.

Велика Британија е најпогодена во светот од коронавирус, со повеќе од 54.000 потврдени или сомнителни смртни случаи.

Владата ги олеснува мерките за престој во дома наметнати кон крајот на март, но додека пабовите, рестораните и музеите ќе бидат отворени овој викенд, местата за музика во живо остануваат затворени.

„Додека овие бизниси не можат повторно да работат, што најверојатно ќе биде најрано во 2021 година, владината поддршка ќе биде клучна за да се спречат масовните губитоци на оваа светска водечка индустрија“, се вели во писмото.

Индустријата сака јасен временски распоред за повторно отворање на места без барања за социјално дистанцирање, како и поддршка од владата, која вклучува проширување на шемата за изнаоѓање на решенија заа работниците кои се привремено отпуштени.

Галагер рече: „Неверојатните свирки не се случуваат без неверојатен тим зад сцената, но сите ќе бидат без работа освен ако не можеме да се вратиме таму, правејќи го она што го сакаме“. (АФП)