Помалата сестра на Бритни Спирс ќе се грижи за нејзините пари

САД– Помалата сестра на Бритни Спирс, Џејми Лин Спирс ќе се грижи за нејзините пари, според „Лос Анџелес Тајмс“.

Документите наводно предвидуваат дека Бритни е „единствен корисник“ на парите додека е жива. Одговорност на старателот е да се увери дека, доколку нешто се случи со поп-sвездата, нејзините деца да ги добивјат нејзините средства. (Таа ги дели синовите Престон (14) и 13-годишната Џајден со поранешниот сопруг Кевин Федерлин.) Победничката на Греми тежи 57,4 милиони долари заклучно со декември.

Поп-ѕвездата Бритни Спирс бараше нејзиниот татко да биде заменет како личност која ги контролира нејзините деловни и лични работи, што се смета за голема промена во 12-годишното старателство определено од судот.

Пред судското рочиште во Лос Анџелес адвокатот на 38-годишната Бритни поднесе документи во кои се вели дека пејачката е остро против тоа тоа Џејми Спирс да остане да биде траен старател, односно „конзерватор“ – термин што се користи во САД за ваков вид трајно старателство со целосна контрола над нејзиниот живот.Во документот не се наведени причините за ваквиот став.

Џејми Спирс беше назначен за траен старател (конзерватор) во 2008 година, откако животот на поп-sвездата излезе надвор од контрола и таа беше хоспитализирана на психијатриско лекување.

Долгото старателство над поранешниот феномен на тинејџерскиот поп е цел на вокалната кампања #FreeBritney („Ослободете ја Бритни“) иницирана од нејзините фанови.

Тие веруваат дека таа живее како затвореник и испраќа криптични сигнали молејќи да биде ослободена преку своите профили на социјалните мрежи, во кои обично постира селфи или како танцува сама дома.