Полскиот претседател нагло ја губи поддршката во анкетите пред изборите

Анкетарите велат дека Анджеј Дуда веројатно ќе победи на изборите кои веројатно ќе се одржат на 28 јуни, но ќе мора да оди во вториот круг

Варшава – Конзервативниот полски претседател Анджеј Дуда почна нагло да го губи своето водство пред изборите што се очекува да се одржат во наредните недели, покажаа анкетите на јавното мислење, откако пропаднаа подготовките за гласање на 10 мај среде пандемијата на корона вирусот.

Борбата околу тоа како да се организира гласањето за време на избувнувањето, ја втурна Полска во политички превирања, оставајќи го неизвесен датумот на изборите.

Некои аналитичари велат дека предизборната кампања на Дуда се чини дека се изгубила во време на политичко насилство, при што опозицијата ја обвини владата дека не успеа да обезбеди фер и слободно гласање во подготовките за изборите на 10 мај.

Владејачките националисти се залагаа изборите да се одржат што е можно поскоро, загрижени дека растечкиот економски пад би можел да ги уништи шансите Дуда, важен сојузник, да биде реизбран.

Владините претставници велат дека 28 јуни сега е најверојатен датум.

Поддршката за Дуда опадна за 20 процентни поени од април, според истражувањето на 18-19 мај од анкетарот „Кантар“, достигнувајќи 39 отсто. Друга анкета, од страна на ИБРиС, ја покажа неговата поддршка на 43 проценти.

Дуда, еден од најпопуларните политичари во Полска, имаше поддршка од дури 63 отсто непосредно пред изборите, но неговата популарност беше водена делумно од изборниот бојкот најавен од најголемата опозициска партија, центристичката Граѓанска платформа (ПО).

Најавата на ПО минатата недела дека го менува својот кандидат со популарниот градоначалник на Варшава, Рафал Тржасковски, се чини дека ги галванизираше центристички гласачи.

Истакнат бранител на правата на геј популацијата, високо разделувачко прашање во претежно конзервативната Полска, Тржасковски може да освои 18 проценти на претседателските избори, обезбедувајќи го второто место, покажа истражувањето на „Кантар“.

И покрај падот на поддршката, Дуда веројатно ќе обезбеди реизбор, соопшти агенцијата. Ако тој не успее да освои повеќе од 50 отсто од гласовите, ќе мора да се натпреварува со второпласираниот во втор круг. „Кантар“ покажа дека тогаш ќе освои 48, а Тржасковски 41 процент од гласовите. (Ројтерс)