Полска неделава ќе испрати 10 нови тенкови „Лепард 2“ во Украина

Полска неделава ќе испрати во Украина десет дополнителни тенкови „Леопард 2“ од германско производство, соопшти денеска полскиот министер за одбрана Мариуш Блашчак .

-Четири тенкови веќе се во Украина, а дополнителните 10 ќе одат во Украина неделава, рече Блашчак на прес-конференцијата.

Полска и вети на Украина 14 тенкови „Леопард 2“.

Во Стокхолм денеска со другите министри за одбрана на Европската унија Блашчак ќе разговара за европската безбедност и поддршката за Украина

-Договорени се разговори со германскиот министер за одбрана Борис Писториус. Основното прашање за кое ќе разговараме е малата достапност на резервни делови за тенковите „Леопард“, посочи Блашчак.

Проблемот првенствено може да го реши германската воена индустрија, а и Полска е подготвена да произведува делови, додаде тој.

-Подготвени сме да отвориме сервисен центар во Полска ладе ќе се поправаат и сервисираат тенковите „Леопард“, испорачани во Украина, изјави полскиот министер за одбрана.