Полска ќе воведе ограничувања за странските медиуми

Лидерот на владејачката партија, Јарослав Качињски, вели дека медиумите во странска сопственост се мешале во внaтрешните работи на Полска

Полска ќе се обиде да изработи правила за ограничување на концентрацијата на медиуми од странски сопственици пред владејачките националисти да го завршат својот мандат, рече де факто полскиот лидер де факто во неделата (19 јули).

Владејачката партија во Полска, Право и правда (ПиС), одамна вели дека странските медиуми се мешаат во работите на Полска и дека полските медиуми треба да имаат посилно место.

Обвинението беше повторно искажано во неодамнешната претседателска кампања, за време на која претседателот и сојузник на ПиС, Анджеј Дуда, постојано ги обвинуваше странските медиуми или домашните медиуми со странски капитал за дезинформација на јавноста.

На прашањето дали ПиС ќе воведе реформи пред крајот на нивниот мандат, кој завршува во 2023 година, лидерот на партијата Јарослав Качињски за полското јавно радио во неделата изјави дека се надева оти реформите ќе бидат спроведени наскоро.

„Ние ќе успееме да го сториме тоа многу побрзо (отколку пред крајот на мандатот), барем на законодавно ниво, но успехот на овој процес е поврзан со многу промени што треба да ги донесеме во нашата земја, како и меѓународните односи“, рече Качињски.

ПиС тврди дека секој нов закон ќе треба да се придржува кон правилата на ЕУ, што може да ја наруши политичката цел на партијата значително да го намали влијанието на медиумите во странска сопственост, како што е радиодифузерот во сопственост на Дискавери ТВН.

Качињски рече дека сите потенцијални правила сè уште „се анализираат и има дискусии за ова прашање“.

Беа разгледани многу опции, изјави еден официјален претставник на ПиС за Ројтерс претходно оваа недела, додавајќи дека купувањето регионални весници, од кои повеќето се со германска сопственост, е меѓу идеите што се појавија, објави полскиот весник „Газета виборча“ минатата недела. (Ројтерс)