Полицијата растури веселба со 70 гости во Здуње

 

Во саботата, во 19.30 часот во СВР Тетово било пријавено дека во угостителски објект во село Здуње, сопственост на Џ.Б.(59) од Гостивар, се одржувала семејна веселба.

Од полициски службеници било излезено на местото и во објектот биле затекнати околу 70 гости.
Повикани биле и инспектори од Државен пазарен инспекторат и бил извршен увид.

По целосно документирање на случајот, против Џ.Б. ќе биде поднесена пријава за сторено кривично дело „непостапување според здравствените прописи за време на епидемија“, казниво по член 206 од Кривичниот законик.