Пол Макартни го издаде својот 18-ти соло албум „Макартни III“


Англија – Иконата на поп-рок културата и легенда на „Битлси“, сер Пол Макартни, го издаде својот 18-ти соло албум, на кој се појавија 11 нови песни, а за време на снимањето, тој се пофали со видео во кое се гледа како свири на повеќе инструменти.

Новиот албум „Макартни III“ е воедно и последниот од неговата трилогија, што почна со албумот „Макартни“ во 1970 година и продолжи во 1980 година со албумот „Макартни II“.

-Секој ден почнав да снимам инструмент на кој пишував песна и постепено правев нови слоеви, беше многу забавно. Правев музика за себе, а не за некоја цел. Правев работи што сакам да ги правам и не знаев дека тоа ќе заврши како албум, рече Макартни во пресрет на издавањето на албумот.