Покрената истрага за дивоградба од шест спрата во Чаир

Постапувајќи по кривична пријава поднесена од група жители, државен обвинител од Основното јавно обвинителство Скопје спроведе истраги и издаде решение за спроведување истражна постапка против едно лице за кривично дело нелегално градење од член 244-а од Кривичниот законик.

Од Јавното обвинителство на Република Северна Македонија денес информираа дека објектот започнал да се воздигнува во 2024 година, без потребна дозвола и на државна парцела на улицата „Кемал Сејфула” во Чаир. Обвинетиот, во својство на менаџер на правен субјект, се појавува како инвеститор на градбата – резиденцијална зграда со деловни единици и висина П+П+6+Пк планирани за продажба.

„По наредба на јавен обвинител, овластен судски експерт од областа на градежништвото утврдил моментална фаза на довршеност, односно изведени армирано-бетонски активности, целосно излиена скелетна армирано-бетонска структура, столбови, греди и плочи од подрум до шестиот кат, како и поставување на надворешни и внатрешни прегради со блок тула“, се наведува во известувањето.

Јавниот обвинител до судијата на претходна постапка достави предлог за одредување мерки на претпазливост – обврска да се пријавува кај определено службено лице, привремено задржување на пасошот и забрана за извршување градежни работи на објектот-нелегална градба.