Подигната борбената готовност на белоруската армија

Претседателот на Белорусија, Александар Лукашенко, изјави дека во последно време се зачестени случаите на диверзанти кои ја пробиваат белоруската граница, поради што побарал детални предлози од безбедносните сили за борба против оваа ситуација.

„Не можевме да ја одложиме оваа средба. Ситуацијата нè принудува да реагираме. Затоа на владата и на безбедносните структури им беше наредено да подготват сериозни мерки за спречување на акциите на диверзантите околу нашата граница. Во последно време ваквите случаи се сè почести. Затоа би сакал да слушнам детални предлози за контрамерки“, изјави Лукашенко, а се наведува на официјалната веб-страница на белорускиот претседател.

Лукашенко истакна дека ситуацијата околу Белорусија сè уште е тешка, трупите на НАТО градат објекти во близина на границите, а има провокации и на самата граница. Затоа тој свика состанок за актуелни прашања за обезбедување ред и безбедност и мерки за заштита на државната граница.