Поддршката за независност на Шкотска на највисоко историско ниво

Според новата анкета, поддршката за независноста на Шкотска е на највисоко ниво досега.

Анкетата, спроведена од „Ипсос МОРИ, открива дека 58 проценти од луѓето во Шкотска кои се изјасниле би гласале „Да“, а 42 проценти рекле дека ќе гласаат „Не“.

Кога оние кои се неодлучни се исклучени од вкупниот број, доаѓа 55 проценти за „Да“ наспроти 45 проценти за „Не“. На референдумот во 2014 година, „Не“ победи со 55 проценти наспроти 45 проценти за „Да“.

Поддршката за независноста на Шкотска порасна за време на пандемијата на корона вирусот, при што многу Шкотланѓани гледаа на позитивното справување со кризата од страна на владата на Холируд отколку на владата на Борис Џонсон.

Шкотската влада честопати донесуваше различни одлуки од владата на Вестминстер за време на пандемијата, неодамна забрани посети на домаќинства и беше побавна при отворањето на пабовите и рестораните.

Анкетата од средата покажува дека првиот министер Никола Старџен е позитивно гледана од повеќе од две третини од Шкотланѓаните, во споредба со Џонсон кого негативно го перцепираат  тројца од четворица.

Старџен во септември објави дека планира да објави предлог-закон за втор референдум за независност, што треба да се одржи до март. Министрите прифатија дека нема време за ново гласање пред изборите во парламентот во Шкотска наредниот мај, но предлог-законот ќе ги утврди временската рамка и потенцијалното прашање што треба да се постави на новиот референдум за кој Шкотската национална партија ќе спроведе кампања на изборите.

Шкотската влада бара од владата на Велика Британија да ги пренесе овластувањата за одржување на законски обврзувачки референдум за независност. Џонсон отфрли такво нешто, додека некои високи личности од СНП предложија ова да се тестира на суд. Од март наваму нема ниедно истражување на јавното мислење кое покажува предност на „Не“.