Од Тони Цетински до Ареа – во Битола почнува фестивалот „Балкан Гала 2022“

Со Рок симфонија и настап на домашни, балкански, како и интернационални артисти, вечер на ракометното игралиште во Битола почнува дводневниот фестивал „Балкан Гала 2022“.

Дел од вечерашното отворање ќе бидат Ристо Вртев, Гиле (Електрични Оргазам), Ружица (Ареа), Пеце (Суперхикс) и добро познатите и редовни гости на Рок симфонијата на Камерниот оркестар на Битола (КОБ), Михајло Трајковски – Сак и Жарко Јакимоски.

– Речиси една деценија како Камерниот оркестар настапува со своите проекти низ Македонија на речиси сите фестивали, но и на најголемите фестивали низ целиот Балкан. „Балкан Гала“ е производ на природното созревање на најпопуларните проекти на Камерниот оркестар на Битола. Публиката секоја година во се поголем број ги посетува настаните на КОБ, што во суштина е и причина за создавањето на „Балкан Гала“ кој полека прераснува во традиционален настан што се одржува секоја година и секое издание ги проширува границите за артистите што гостуваат, велат организаторите.

По завршувањето на Рок симфонијата, во 23:00 часот, забавата ќе продолжи со британскиот ди-џеј Дарен Емерсон (екс фронтмен на легендарните „Underworld”), како и со Горан Кан и Херцел од Северна Македонија.

Утрешната вечер е резервирана за Поп симфонија, под диригентство на маестро Владимир Димовски, а ќе настапат домашни и странски артисти меѓу кои Тони Цетински, Гоца Тржан, Ристо Самарџиев, Горан Каран, Викторија Лоба, Виктор Апостоловски,…