Почина масерот што го тужеше Кевин Спејси за сексуална злоупотреба


 

Мажот кој актерот Кевин Спејси го обвини за сексуална злоупотреба почина пред неговиот случај воопшто да стигне на суд, пишува Би-би-си њус.

Овој анонимен масер тврди дека актерот пред три години му удрил шлаканица во куќата во Малибу по што наводно сексуално го нападнал.

Актерот ги негира наводите цело време, а веста за смртта е откриена во судскиот поднесок од адвокатот на Спејси.

Мажот кој во случајот е наведен како Џон До, а во пријавата, која адвокатите на Спејси ја поднесоа до надлежниот суд во Калифорнија, наведено е дека тој починал неодамна, но не наведуваат никакви детали. Неговиот адвокат Џини Харисон го обвини правниот тим на актерот за манипулација за да се отфрли случајот.

Во изјавата тужителот е опишан како „достоинствен, љубезен и средовечен човек“, кој цел живот носел трауми од наводниот напад, а се додава дека се појавиле и други наводни жртви на 60-годишниот холивудски актер.