Почина Ен Рајс, авторката на романот „Интервју со вампирот“

САД– Американската писателка Ен Рајс, авторка на романот „Интервју со вампирот“, почина на 80-годишна возраст, поради компликации кои се појавиле по срцев напад.

Рајс е автор и на една од најпопуларните серии на книги – „Вампирски хроники“, а таа инспирираше многу други писатели да пишуваат во истиот жанр.

„Интервју со вампирот“ е продаден во над 150 милиони примероци низ светот, по што следи истоимената филмска адаптација со Бред Пит во главната улога.

Вистинското име на Ен Рајс е Хауард Ален Френсис О’Брајан. Таа го добила името по нејзиниот татко Хауард, но уште како дете инсистирала да ја викаат Ен.

Го напиша романот „Интервју со вампирот“ во 1976 година, кој е всушност нејзиниот начин да се ослободи од депресијата по смртта на нејзината шест годишна ќерка.